¿Quen somos?
Somos un grupo de homes e mulleres de Ribadumia con moita ilusión e ganas de facer cousas no noso Concello, tanto de carácter cultural como deportivo ou social.
Herminio Barreiro.
A asociación leva este nome en honor a Herminio Barreiro, intelectual e, sobre todo, mestre no máis amplo sentido da verba, e veciño por añadidura de Sisán (parroquia de Ribadumia).
Toda a información sobre este “mestre de mestres” atoparédela na pestaña adicada a el, ou premendo aqui
As Cuncas Culturais
A asociación Herminio Barreiro naceu cunha idea moi clara. Promover a cultura, o deporte e a acción social no noso concello.
O noso concello é Ribadumia. Aquí prodúcese o sangue que alimenta toda a indiosincrasia propia do Salnés: o tinto barrantes. Nos tradicionais furanchos, o redor dunha cunca de bo tinto, os paisanos e paisanas falan. Comparten as súas vivencias. Transmiten a súa maneira de ver o mundo. Fan cultura.
Por outra banda, os entendidos en tinto barrantes saben que o bo viño cando o removes na cunca deixa rastro.
Por iso a nosa paxina se chama “As Cuncas Culturais”. Porque precisamente queremos que sexa como esas cuncas que congregan ao seu redor, como elemento unificador, a persoas diferentes, compartindo cousas, facendo cousas. E porque queremos que parte de todas esas experiencias e accións que queremos compartir con vos deixen un rastro como o que deixa o bo viño nas cuncas.