Este pasado 24 de Outubro tivo lugar en Barrantes, organizado pola Asocicación Herminio Barreiro, un pequeno obradoiro de Samaín co obxectivo de que nenos e pais elaborasen algúns adornos típicos desta festividade. A experiencia foi ben entretida. Contamos coa dirección das especialistas en actividades infantis “As Titiriteiras”. Esvaciáronse os calacús, e se debuxaron e recortaron neles os correspondentes rostros arrepiantes. Fabricamos tamén veas, que ademáis de sair moi ben feitiñas, serviron para que aprendésemos unha forma orixinal de reciclar os aceites usados que todos temos nas nosas casas… outra maneira de completar a decoración de defuntos.
Ademais, para a nosa asociación, a maior ledicia foi, coma sempre, ver a pais e nenos participando xuntos e activamente dunha divertida experiencia. E o exemplo mais claro do éxito da xornada acharédelo na escolma de fotos que acompaña a este artigo. Queremos transmitir o noso agradecemento e a nosa noraboa tanto as “Titiriteiras” polo seu traballo, como ós pais, nais, nenos e nenas pola súa participación.
Unha aperta a tod@s.
As Cuncas Culturais 