Foto: Faro de Vigo
O pasado 6 de Decembro tivo lugar o IV duatlón Cross Ribadumia. Un ano mais, a actividade, que pola súa complexidade organizativa, supón un maior reto para a nosa Asociación, que este ano se veu reforzado co apoio do concello de Ribadumia
Nesta edición, o circuíto da proba apenas sufriu variacións, pero loxísticamente vivimos un salto cualitativo, cun maior despliegue de medios, especialmente na zona técnica e de transición, e cun percorrido mellor marcado e vallado. Ademais, este ano, Protección civil de Ribadumia fixo un esforzo importante e pudemos dispoñer de voluntarios en mais de 30 puntos de control. O resultado de dispor dunha maior e mellor loxística veuse no transcurso da proba, sen incidentes que remarcar.
Cada ano, esta proba, única na comarca do Salnés, goza de maior reputación entre deportistas e público, motivada en gran medida polas características do circuíto, tecnicamente moi esixente, e encadrado nun entorno de gran beleza como é a ribeira do Umia o seu paso por Cabanelas. Proba desta boa saúde foi que as prazas dispoñibles para a proba, 180, foron totalmente cubertas no prazo de inscricións.
Un ano mais hai que agradecer aos propietarios das fincas a súa colaboración, así como tamén as empresas que coas súas diferentes aportacións fixeron posible que esta nova edición tivera lugar. E dende logo, un agradecemento moi especial o o corpo de Protección Civil Ribadumia polo seu importante apoio e a todos os voluntarios e voluntarias que participaron de todo este traballo.
Como sempre, hai moitas fotos do evento. Deixamosvos varios enlaces: a diversos albumes de fotos para que vos busquedes, a clasificación final definitiva, e ás noticias do evento na prensa. E tamén vos deixamos algunhas fotiños seleccionadas.
Albumes de fotos:
https://www.dropbox.com/sh/cmqdu2r9yzybn4r/AADr8BFc5pAPtNYPqirRbq56a?dl=0
Clasificación:
http://emesports.es/wp-content/uploads/2015/12/Clasificaci%C3%B3n-Duatlon-Ribadumia.pdf
O evento na principal prensa galega:
http://www.farodevigo.es/deportes/arousa/2015/12/07/brais-misa-triunfa-ribadumia/1364768.html
As Cuncas Culturais 