Dende a Asociación Herminio Barreiro temos previstas para este 2017 varias novidades, entre elas diversas actividades de carácter cultural.
A primeira destas actividades vai ser unha saída cultural, e tamén gastronómica, ó corazón de Galicia: Lalín.
Terá lugar o domingo día 12 de marzo.
A axenda do día é moi completa:
- pola mañá sairemos as 9:00 rumbo a Lalín. O bus pasará por varias zonas do Concello a recoller as persoas anotadas.
- dirixirémonos concretamente á Casa do Patrón : o museo etnográfico máis grande de Galicia, con mais de 4.000 obxectos en exposición, un completo repaso a toda a nosa cultura tradicional.
- para completar este repaso as nosas tradicións, xantaremos un completo cocido.
- pola tarde achegaremonos o Pazo de Liñares, que alberga o Museo galego da Marioneta.
Sen dúbida a xornada vai resultar do máis interesante.
As Cuncas Culturais 