O día 28 de decembro do ano pasado tivo lugar o III duatlón Cross Ribadumia. Un novo reto para o equipo que organizou o evento, este ano xa fora do abrigo da Federación Galega de triatlón, e apostando por unha proba de alto nivel.
Como novidades mais importantes temos que salientar os cambios na data, adiantando a proba quince días, no trazado, agora máis técnico e vistoso, a cronometraxe a través de chip e e a concesión de importantes premios económicos os primeiros clasificados.
Procurar todos eses cambios supuxo un importante esforzo para o equipo de organización, tanto á hora de conseguir os imprescindibles patrocinios como a de preparar un circuito atractivo e un desenrolo final da proba totalmente controlado, pero con esa capacidade que traballo que é o seu sinal de identidade, e co apoio do resto da Asociación Herminio Barreiro e do Nautico o Muiño, conseguiron superarse, e todos os esforzos culminaron cunha proba que xerou unha gran aceptación por parte do público, dos medios de comunicación e dos participantes , que fulminaron records anteriores de participación o chegar ós 187 inscritos, e que salientaron ó remate da xornada a calidade do circuito e a boa organización da proba.
Dende aqui queremos dar o noso agradecemento a todas as persoas e entidades que participaron na organización deste evento, ós propietarios das fincas polas que transcorreu, e os nosos patrocinadores ,sen os cales isto non sería posible.
http://multimedia.farodevigo.es/fotos/deportes/marcos-mayo-fue-mejor-ribadumia-30037_1.shtml
As Cuncas Culturais 
One thought on “III Duatlón Cross: un novo éxito organizativo.”