Obradoiro de adornos de pascua e ovos de chocolate

Chegando a Semana Santa, esta Asociación coa colaboración das Titiriteiras traemosvos unha actividade para realizar en familia, cos nenos de protagonistas, pero cos pais e nais de participes necesarios… images

Tera lugar o xoves santo, (2 de Abril), no centro cultural de Barrantes, a partires das 11.30 da maña. Durante  dúas horas e media os nenos e nenas participantes, co apoio das monitoras de As Titiriteiras e dos seus pais ou nais, faran diversos adornos de pascua, e  elaboraran ovos de chocolate, todo co obxectivo de darlle a pascua un pouco mais de colorido e diversión. 

Toda a información pinchando aqui

Ademais, recuperamos un ártigo do ano pasado onde vos falamos dos ovos de pascua e dos nosos bolos de ovos.

Ovos de Pascua.

  673x6731269609062_huevos Aos ovos de Pascua atribúenselles varias teorías para determinar a súa procedencia. Por unha parte estarían aqueles que defenden a súa herdanza baseada en tradicións pagás, e é que o ovo sempre foi un símbolo de vida e fertilidade e ao que se lle atribuía un papel importante en todas as celebracións do inicio da primavera, época que por outra parte coincide coa Semana Santa cristiá.

Por outra parte estaría a teoría que se basea nunha orixe cristiá, e é que foi no século XIII cando comezaron a pintarse os primeiros ovos de Pascua como unha forma de conservación deste alimento en coresma, xa que era un alimento prohibido pola Igrexa. Os seguidores desta tradición gardaban os ovos, e para mantelos frescos bañábanos cunha fina capa de cera líquida.


Unha vez rematada a Coresma, reuníanse diante da igrexa da súa cidade, e regalábanos para poder gozalos despois en Pascua como un motivo de celebración. Dende o punto de vista cristián dise que representan a aparición de Xesús tras a súa resurrección.


O certo é que dende a época medieval o ovo decorado se converteu nun dos alimentos propios de Semana Santa e un prezado regalo para os nenos e os serventes. Así comeza a quedarse instaurado como unha tradición arraigada ata os nosos tempos, aínda que cada país desenvolveu o seu propio xeito de decorar os ovos de Pascua.

Os ovos de Pascua nas distintas culturas.

Foi 5000 anos antes de Cristo cando en China comezaron a regalarse como símbolo de amizade ovos tinguidos de vermello durante as festas do equinoccio de primavera. Esta cor para os chineses significa longa vida e felicidade, así comeza unha tradición que se manterá ao longo dos anos. Máis tarde foron os persas os que comezaron a decorar e intercambiar entre eles ovos dourados e pintados minuciosamente.

Co paso do tempo nos países eslavos, comezouse a levar canastras cheas de ovos o día de sábado santo ou antes da misa de media noite pascual para ser bendicidos, e despois ser tomados no almorzo do domingo de Pascua nas casas. En Rusia existía o costume de elaborar na época dos zares, verdadeiras xoias en forma de ovo, costume estendido ata a época da revolución, famosos sobre todo aqueles deseñados polo xoieiro Fabergé.

É quizais en Europa Central onde máis arraigada está o costume de decorar e colorear os ovos de Pascua, así polacos, eslovenos e ucraínos son famosos polos seus elaborados deseños. Para iso trazan liñas con lapis de cera, posteriormente somerxen o ovo en colorantes e de novo repiten o proceso ata lograr verdadeiras obras de arte, onde para eles cada punto ou liña ten un significado.

En moitos países o ovo non se aproveita cocido unha vez pintado, senón que é baleirado e soamente é a casca a que vai coloreada. É o que acontece por exemplo en Alemaña, onde é típico colgar os ovos de Pascua en árbores que se acaban colocando nas casas como símbolo de boa sorte. Posteriormente esta tradición foi levada ata Estados Unidos polos colonos xermanos, os cales tamén deron a coñecer o famoso antirrino de Pascua que era repartido entre os nenos que foran bos.

Os “novos” ovos de Pascua.

Huevos4    Pero quizais agora nos nosos tempos o máis habitual é ver en Semana Santa os ovos, pero de chocolate. Nos escaparates das pastelarías podemos deleitarnos con ovos de todos os tamaños e decoracións, monas de pascua cos deseños de moda que fan as delicias dos máis pequenos, e outras lambetadas propias destes días moito máis frecuentes, todo hai que dicilo, que os tradicionais ovos duros coloreados.
Pero cando xurdiu a tradición dos ovos de chocolate? As primeiras referencias datan do ano 1820 cando se viu por primeira vez un ovo cuberto por unha especie de fráxil pasta de azucre. Pero foi xa en Francia no século XIX cando a técnica se perfeccionou e se empezou a engadir a manteiga de cacao á masa, dando comezo á época do modelaje do chocolate.


Foi o empresario chocolateiro Joseph Fry, o que produciu os primeiros ovos de Pascua de chocolate en Inglaterra en 1873, para posteriormente Cadbury ´ s seguir elaborándoos e presentando novos modelos e técnicas decorativas. Co paso do tempo, á parte dos ovos, comezaron a fabricarse figuras de chocolate como regalo en Pascua e así no noso país é típico, sobre todo en Cataluña e Levante, que os padriños regalen aos seus afillados un ovo ou a popular mona de Pascua.

 E en Galicia, por suposto, os padriños regalan un ” bolo de ovos”, cocidos no forno e menos coloridos, pero moito mais saborosos.

mona_thumb

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

w

Conectando a %s