Category: xogos tradicionais

Éxito de asistencia á xornada de Billarda

IMG_2902Este pasado sabado 15 de Febreiro tivo lugar no pavillón de Barrantes a 10ª xornada da Conferencia Rias Baixas da Liga Nacional de Billarda. Como xa ven sendo habitual na xornada que corresponde no concello de Ribadumia, a entidade organizadora da proba na localidade, a Asociación Cultural Herminio Barreiro, xunto co equipo local, os Casilledín Umia, organizaron  un xantar previo de confraternización, onde moitos dos xogadores de diferntes equipos compartiron experiencias o redor da mesa, antes de achegarse o pavillón e medir as habilidades de cada palanador e palanadora, que foron un total de 81, o cal demostra a aceptación que a Billarda ten entre as nosas xentes, e que ano a ano aumenta.

20140215_203219  A xornada, inda que como todas as desta liga, era aberta a todo aquel que quixera participar, estaba enmarcada dentro da liga que se ven celebrando por todo o Salnés, Pontevedra e parte do Barbanza dende setembro, e que terá punto final na gala que esta prevista  para  Maio, coincidindo coa última xornada ligueira. A participación de , como dixemos 81 xogadores, transcorreu coa normalidade habitual, mais o terreo de xogo, en patio cuberto, e pista de pavillon, moi rapida, propiciou un bo numero de varados (cruzar a liña de meta do terreo de xogo, a 50m da saida, dun solo golpe) e equilibrou o nivel dos participantes, pois os que habitualmente golpean mais forte neste tipo de pistas vense prexudicados precisamente por esa forza, que lles leva a  lanzar as billardas moi lonxe si, pero a miúdo fora dos marxes da meta marcada. O gañador absoluto da xornada foi Lito Iglesias, mentres que Elena logrou o primeiro posto feminino, e Enrique Oubiña  e a xoven Sofia alzaronse co trofeo  de  mellor xogador/a local.

  Como exemplo deportivo a salientar o do xoven  Elias, que chegou pedindo participar con esa mezcla de vergoña e descaro que solo os nenos teñen, e sen haber collido un palán na súa vida, nin coñecer as normas do xogo, acabou levándose o trofeo como segundo clasificado infantil, cuxo primeiro posto obtivo  Brais, e sorprendendo a propios e estranos, demostrando a democracia deste xogo,onde calquera pode participar e mesmo ganar.

     Para a nosa asociación ten gran importancia de poñer en valor este tipo de xogos tradicionais, que a diferenza doutros deportes permite a persoas de diferentes xeracións participar conxuntamente, sen ningún tipo de discriminación nin de idade nin de sexo nin de ningún outro tipo, o cal supón, especialmente para os mais novos, un gran a porte de valores positivos. Dende a Asociación Herminio Barreiro, traballamos para que estes xogos tradicionais, por todo o seu valor cultural e polos valores que aportan as persoas, recuperen o seu lugar na nosa sociedade, facéndose un oco entre consolas e fútbol.

  Seguir lendo

Febreiro: arte, billarda, concertos e lume.

A Muller da Arpa - Menchu Lamas     O noso boletín xa anda por aqui, como todos os meses. Desta volta, traenos a figura dunha gran pintora, Menchu lamas,  de prestixio mais que recoñecido, a billarda que volve un ano mais o noso concello, moitos concertos e para rematar, un artigo sobre un dos elementos mais máxicos na cultura galega, o lume.

preme aqui , ou vaite a nosa sección boletíns

Unha das nosas actividades: a posta en valor de deportes e xogos tradicionais. A billarda

SAM_1071

o 21 de Xullo celebramos, en colaboración coa Conferencia Rias Baixas e co UmiaC.F., dentro do festival UmiaRock, unha xornada de Billarda, un xogo tradicional galego.  Pretendiamos poñer en valor un dos nosos xogos máis tradicionais, e non por casualidade. Participar neste tipo de xogos populares é unha maneira moi sá de relacionarse coa xente. Nestes xogos poden participar e de feito participan persoas de varias xeracións, pais con fillos, avós con netos, e non se fai segregación de sexos, polo tanto resulta unha maneira formidable de que os nenos aprendan valores positivos e de que os maiores recorden un pouco o que e ser neno. Cando as persoas falan, comunícanse, e cando se comunican os valores culturais pasan de uns a outros, e así é conservamos o noso, a nosa maneira de entender o mundo, en resumo, a nosa cultura.

Foi un éxito absoluto, e froito desa xornada, naceu o que a dia de hoxe é o equipo máis numeroso(con mais de vinte integrantes) da liga denominada Conferencia Rias Baixas , os “Casillendin do Umia”.