O pasado Xoves Santo realizamos o obradoiro de ovos de Pascua, organizado por esta Asociación, e realizado por As Titiriteiras. As prazas cubríronse o completo, polo que 24 nenos participaron nesta actividade, xunto cos seus pais e nais, que o pasaron sen dúbida tan ben como os cativos.
A axenda tiña dúas partes diferenciadas. Nunha realizábanse os ovos de chocolate, e logo mentres o chocolate ia enfriando facíase a parte de decorado de ovos, onde a imaxinación tivo unha parte importante no traballo. O resultado final podedes comprobalo no extenso álbum de fotos que acompaña a este artigo.
Pola nosa banda, agradecer as Titiriteiras o seu bo facer, a asistencia a todos os nenos e nenas, e tamén por suposto as nais e os pais que tan activamente participaron da actividade, conseguindo así o noso obxectivo de que este obradoiro fora compartido entre adultos e cativos.
As Cuncas Culturais 