Este pasado sábado púxose en marcha o proxecto interactivo de hortas urbanas “ as nosas hortiñas”, un proxecto creado inicialmente para promover a creación de pequenas hortas nos balcóns e terrazas dos pisos, pero que xa antes de converterse en realidade ampliou os seus horizontes, incluíndo a calquera que queira participar, plante onde plante, sexa unha venta, un balcón ou unha horta.
Na presentación distribuíuse unha unidade didáctica básica e deronse explicacións para que cada quen puidera montar a súa hortiña onde e como mellor lle parecera, e dos pasos a seguir coa parte de internet, a través da paxina http://cuncasculturais.org/hortas/ e da aplicación tumblr.com, onde se aloxan os espazos particulares creados para cada horta, e o procedemento básico para facer do proxecto una experiencia compartida e moito mais enriquecedora.
Unha decena de hortiñas poñeranse en marcha estes días, a maioría en Ribadumia, pero tamén con “delegacións” na Armenteira, Cambados e na Coruña nun proxecto aberto ao que calquera pode sumarse en calquera momento.
Asi que se tes un balcón ou un anaco de espazo ,sexa pequeno ou grande, onde produzas ou queiras producir os teus propios legumes e ademais queres compartir esa experiencia con outras persoas solo tes que poñerte en contacto con nos a través dos correos: hortas@cuncasculturais.org , aso.herminio.barreiro@gmail.com, ou sinxelamente chamando o telefono 672 418 619.
E en calquera caso, podes seguirnos a traves da web do proxecto , http://cuncasculturais.org/hortas/ ou da paxina a Asociación Cultural Herminio Barreiro: https://ascuncasculturais.wordpress.com/,
As Cuncas Culturais 