Category: Deporte

IV Aberto de Billarda “Rio Umia”

10996587_940290495996082_907472492381614266_nManolo Abuin. Capitan do equipo  Casilledín.

Este pasado sábado tivo lugar un novo Aberto Rio Umia, e xa van catro.

A climatoloxía adversa non impediu que hubera unha importante afluencia de xogadores, similar ó 2014, con moita presencia feminina e tamen infantil.

 Dito Aberto forma parte do campeonato da Conferencia Rías Baixas, concretamente foi a décima xornada disputada.

  Malia que a climatoloxía non acompañou para nada ós sufridos deportistas,  tendo que cambiar case a última hora o terreo de xogo en terra ó descuberto polo pabillón de cemento , a afluencia de palanadores cumpliú as expectativas, cun total de 76 participantes, dos cales 23 eran mulleres e había tamén unha ducia de nenos menores de 14 anos.

  O feito de xogar en pavillón con superficie lisa favorecía, a priori, a aparición de varados (cruzar a liña de meta dun so golpe), e así foi; Sergio, Cucho, Alvaro e Suso fixeron 2 cada un, e xogáronse o trofeo ó  maior número de varados nunha rolda de desempate taquicárdica, na que ó final Suso,  facendo valer a súa experiencia,  acabou levando o gato á auga.

  Os podios en cada categoría foron os seguintes:

Absoluta: 1º- Xan ( Lúa de forza )

                  2º-Balea ( Gharaboto )

                  3º-Luís Camiña ( Gharaboto )

Feminina:  1ª-Chefa ( Corredoiras )

                    2ª-Tania ( Valpaços )

                    3ª-Adriana ( Valpaços )

Infantil:  1º-Martiño  ( Corredoiras )

                 2º-Juanma  ( Lúa de forza )

                 3º- Analía  ( Valpaços )

  Levaron tamén trofeo ós mellores xogadores locais en categoría femenina e masculina Ana Madrid e Abuín, respectivamente.

  De calquera xeito, os triunfadores da tarde foron, como sempre, todos aqueles que se achegaron a disfrutar de 3 horas de deporte e diversión.

Hai que darlle as grazas, a Tere, a Moncho e a Fernando por idear e crear uns trofeos como sempre fantásticos e orixinais. O Umia C.F. e a Cervexería Encontro de Barrantes e a Lagar de Broullón polo seu apoio, a toda a formacíón do Casilledín,   e a todas aquelas persoas que fan posible que a Billarda saíra da sombra do esquecemento para ser cada día un xogo mais en alza.

¡Billarda sempre!

 

Exito do II Duatlon Cross Ribadumia

1511184_736048526405879_1840508667_n

O pasado fin de semana celebrouse o II Duatlón Cross Ribadumia, unha proba organizada pola nosa asociación e o  Club Nautico O Muiño, e que era puntuable para o circuíto galego de Duatlón, sendo ademais a primeira proba da tempada deste circuíto.

    Este ano o percorrido presentaba significativas novidades no trazado coa separación do sector  de carreira a pe do sector de bicicleta, o aumento do tramo técnico no monte, ou o paso pola ponte medieval de Pontearnelas. O tempo condicionounos moito a preparación do circuíto, pois as choivas en días anteriores a proba e o desbordamento do río Umia a falta de unha semana, obrigounos a facer cambios de última hora, algún deles no mesmo dia da proba. A pesares disto, gracias traballo conxunto dos membros da organización o circuíto estivo preparado e perfectamente delimitado no momento de darse a saída.

 Foi unha maña moi chuviosa, o cal provocou que a dureza da proba, que xa era alta,  aumentase o converterse o circuíto nalgúns tramos nunha lameira moi difícil de percorrer.  Pero esa dureza aumentou tamén a beleza da proba, que tomou tintes épicos nalgúns momentos, cuns participantes  entregados o sufrimento das pernas cunha paixón polo deporte digna de admiración. Seguir lendo

Organizando o II Duatlón Cross Ribadumia

1424495_690462824331335_361666692_nA organización do duatlón cross,  unha proba aberta a participantes profesionais e amateurs, que ademais será, como o ano pasado, a primeira proba do calendario do campionato galego, está xa moi avanzada.

A data está fixada  no 12 de Xaneiro.

  Este ano teremos novidades no percorrido, mantendo como eixe central o paseo pola beira do Umia no seu tramo entre cabanelas e Pontearnelas, que sera máis atractivo, con mais costas, máis lama e máis emoción, tanto para os participantes como para o público en xeral.

A celebración desta proba, logo do éxito da edición do ano pasado, esta a levantar unha grande espectación entre os aficionados o mundo da  btt, polo que aspiramos a superar os mais de 150 participantes do 2013 .  Vos podedes seguir todas as novidades da organización a través do evento creado no facebook,  neste enlace :

https://www.facebook.com/events/419765674819167/425318447597223/?notif_t=plan_mall_activity

Asi que ide preparando as pernas e as bicicletas, que a cousa pinta ben…..e se sodes mais de mirar, gardade un oco na axenda para ese domingo, porque o espectaculo merece a pena.

Unha das nosas actividades: a posta en valor de deportes e xogos tradicionais. A billarda

SAM_1071

o 21 de Xullo celebramos, en colaboración coa Conferencia Rias Baixas e co UmiaC.F., dentro do festival UmiaRock, unha xornada de Billarda, un xogo tradicional galego.  Pretendiamos poñer en valor un dos nosos xogos máis tradicionais, e non por casualidade. Participar neste tipo de xogos populares é unha maneira moi sá de relacionarse coa xente. Nestes xogos poden participar e de feito participan persoas de varias xeracións, pais con fillos, avós con netos, e non se fai segregación de sexos, polo tanto resulta unha maneira formidable de que os nenos aprendan valores positivos e de que os maiores recorden un pouco o que e ser neno. Cando as persoas falan, comunícanse, e cando se comunican os valores culturais pasan de uns a outros, e así é conservamos o noso, a nosa maneira de entender o mundo, en resumo, a nosa cultura.

Foi un éxito absoluto, e froito desa xornada, naceu o que a dia de hoxe é o equipo máis numeroso(con mais de vinte integrantes) da liga denominada Conferencia Rias Baixas , os “Casillendin do Umia”.