Category: Faladoiro Literario

Faladoiro literario: a voltas co Ignatius de “La conjura de los necios”.

20140723_222600   Ignatius J. Reilly é unha das personaxes mais  memorables da literatura americana.  A súas hilarantes aventuras narradas no libro “La conjura de los necios”, foi o centro do debate do último faladoiro literario, antes do parón de verán.

   Porque as nosas sabias e os nosos sabios, ante a chegada por fin da calor, vanse a ler á praia, e non volverán ata setembro.

   Pero levan deberes. O retorno ó agradable pracer  de falar de libros terá lugar o 11 de Setembro, na cafetería Aromas de barrantes,  as 21:00 horas, e como primeiros deberes deberan , cada un dos participantes, traer unha lectura de verán para comentar co resto. Así que xa sabes, inda que o grupo é totalmente aberto e podes unirte cando queiras, ese será un gran momento para que veñas e nos contes que foi o que liches na area da praia, ou onde fora que pasaras o verán.

o-principino

 Logo, no seguinte faladoiro, xa para ir collendo camiño do outono, as nosas sabias e sabios levan de deberes a lectura de O Principiño, de  Antoine de Saint-Exupéry.

   Como sempre, accede o arquivo do faladoiro premendo na foto ou a través da xanela  que accede ó faladoiro literario  e que está á túa dereita.

 As persoas que participan neste  Faladoiro Literario desexanvos un bo verán.

“Barra libre” no noso Faladoiro; de Cervantes a a Aldous Huxley

20140710_225910 (1)   O faladoiro Literario da semana pasada volveu ser unha barra libre de obras literarias. As nosas sabias e sabios repasaron varias grandes obras da literatura, saltando de xéneros e mesmo de linguas coa facilidade que xa lles é característica.

   Podedes acceder ó arquivo co resumo da xornada premendo na foto, ou na sección dedicada ao faladoiro Literario.

  A próxima reunión do Faladoiro, onde falaremos de “La conjura de los necios” de  John Kennedy Toole será o mercores 23 de Xullo, adiantando un día por mor da ponte do día da Patria. E será, como ven sendo habitual, as 21:00 na cafeteria Aromas de barrantes. E como sempre, falamos dun Faladoiro totalmente aberto a quen queira participar.

O noso Faladoiro Literario opina sobre “Ensayo sobre la lucidez”

    A pasada semana, o noso Faladoiro Literario reuniuse para falar de libros, neste caso Ensayo sobre la lucidez”, de José saramago.  As conclusións podedes velas pinchando na foto ou indo ó espazo que o faladoiro ten nesta páxina.

   A seguinte lectura na que as nosas aguerridas lectoras e lectores estan metidos é  “La conjura de los necios”, de John Kennedy Toole.

    E a próxima xuntanza será o xoves 10 de Xullo as 21:00, na cafetería  Aromas, en Barrantes.

            descarga       descarga

Xornada de “barra Libre” no noso Faladoiro Literario

IMG-20140615-WA0014   Na reunión quincenal do noso Faladoiro Literario, @s participantes decidiron que, como a maioria inda non rematara  coa lectura de Ensayo de la lucidez de Saramago, esta xornada fora unha especie de barra libre, onde cada un levase unha obra literaria. O resultado foron dúas horas de charla arredor dunha variedade enorme de libros. Podes comprobalo lendo o resumo colgado na casulla do noso Faladoiro Literario (podela ver a túa dereita) , premendo aqui, ou na foto que acompaña a este artigo.

    Como sempre, recordamosche que as reunións do grupo son abertas , polo que podes participar cando o desexes. A próxima será, se non hai cambios,  o día 26 de Xuño, as 21:00 na cafetería  Aromas de barrantes.